C4T Political Article

ကိုကိုးကျွန်းက ခွာခဲ့တာ အနှစ်လေးဆယ် ပြည့်ပြီ ရေးသူ - ရဲဘော်ဖိုးသံချောင်း ဒီနှစ် ဇူလိုင်၃၁ရက်ဆိုရင် ကိုကိုးကျွန်းပေါ်က (၅၃)ရက် အစာငတ်ခံတိုက်ပွဲကြီးဟာ အနှစ်၄ဝတိတိ ပြည့်ပါပြီ။ ဒီလိုအခါမှာ ညံ့ဖျင်းလှတဲ့ ကိုယ့်မှတ်ဉာဏ်ထဲက ကိန်းဂဏန်း တချို့ကို ပြန်စီနေမိပါတယ်။ ကိုကိုးကျွန်းကို ပို့လိုက်တာက ၁၉၆၉ခုနှစ်၊ ဖေဖော်ဝါရီလ ၁၂ရက်။ ပြန်ပို့တာက ၁၉၇၁ခုနှစ်၊ နိုဝင်ဘာလထဲမှာ (ရက်အတိအကျမမှတ်မိတော့)၊ စုစုပေါင်း ၂နှစ်နဲ့ ၉လ။ တနည်း ၃၃လ၊ ရက်ပေါင်း၁ဝဝဝလောက်ပါ။ ညကြီးသန်းခေါင် အင်းစိန်ထောင်ထဲကထုတ်၊ နံဘေးမှန်တွေကို စက္ကူဖြူတွေ ကပ်ထားတဲ့ ဟီးနိုး ဘတ်စ်စကားကြီးတွေနဲ့ ဗိုလ်တထောင်ဆိပ်ကမ်းကိုပို့၊ ဂျီသရီး သေနတ်တွေ ချိန်ရွယ်ထားတဲ့ မဆလ စစ်သားတွေ အကြား၊ ထိန်လင်းနေတဲ့ မီးမောင်းကြီးတွေ အောက်မှာ ပြည်တော်အေး သင်္ဘောပေါ်တက်၊ နာရီပေါင်း ၃ဝကျော်လောက် ပင်လယ်ကို ဖြတ်- "အဲဒါ ကိုကိုးကျွန်းပဲ၊ လာကြည့်ကြ။ ကိုကိုးကျွန်းကို မြင်နေရပြီ" လို့ ပြည်တော်အေး သင်္ဘောဝမ်းဗိုက်ရဲ့ အပေါက်ဝိုင်းလေးထဲကို ကြည့်နေသူတဦးက လှမ်းခေါ်လိုက်တော့ သူများနည်းတူ ကျနော်လည်း ပြေးသွားပြီး ခေါင်းပြူကြည့်ခဲ့ပါတယ်။ သဲသောင်က ဖွေးဖွေး၊ အုန်းပင်လေးတွေက...

●── တရားသေသမား နှင့် မုချဝါဒီ ───● လူ့အဖွဲ့အစည်းထဲမှာ တည်ရှိတဲ့ အကြောင်းခြင်းရာတွေကို ပုံဖော်ရှင်းလင်းတင်ပြတဲ့အခါမှာ၊ တစ်မျိုးတည်း၊ တစ်ထောင့်တည်း၊ နည်းနာတစ်ခုတည်း၊ ချည်းကပ်မှုပုံစံ တစ်ခုတည်းနဲ့ မလုံလောက်ပါဘူး။ လူ့အဖွဲ့အစည်းရဲ့ သဘောဟာ၊ ရှုပ်ထွေးတယ်၊ ကျယ်ပြန့်တယ်။ နက်နဲတယ်။ စုံစုံလင်လင် များများပြားပြား ရှိတယ်။ ထိုနည်း လည်းကောင်း ထွေထွေထူးထူးလည်း ရှိတယ်။  အထူးသဖြင့် လူမှုဓလေ့နဲ့ လူမှုယဉ်ကျေးမှု ထုံးတမ်းတွေရဲ့ သိမ် မွေ့တဲ့အပိုင်းတွေ ပါလာတာဖြစ်ခြင်းကြောင့်၊ မြင်ရ ဆုပ်ကိုင်ပြလို့ ရတာမျိုးတွေ မဟုတ်ဘူး။ intangible တွေများတယ်လို့ ဆိုနိုင်တယ်။ လူ့အဖွဲ့အစည်းရဲ့ တန်ဖိုးဓလေ့တွေကို ဖမ်းဆုပ်မိမှ ကောက်ချက်ချနိုင်တာမျိုး လုပ်နိုင်ပါလိမ့်မယ်။ ပေါ်ပေါ်ထင်ထင် မဟုတ်တာတွေ၊ ပြတ်ပြတ်သားသား မရှိတာတွေကို ရိပ်ဖမ်းသံဖမ်း လောက်နဲ့ ယေဘုယျချပြီး ကြည့်လို့ မရနိုင်ပါဘူး။ အတွင်းသဘောကို နားလည် နှိုက်ထုတ်နိုင်မှသာ ဖြစ်ပါလိမ့် မယ်။  လူ့အဖွဲ့အစည်းထဲမှာ အကြုံးဝင်တဲ့ နိုင်ငံရေးရဲ့သဘောကလည်း ထိုနည်းလည်းကောင်းဖြစ်တယ်။ လူမှုရေး ကိုယ်၌က ကျယ်ပြန့်တဲ့သဘောရှိတယ်၊ နက်နဲတဲ့သဘောရှိတယ်၊ များပြားတဲ့သဘောရှိတယ်၊ ရှုပ်...

 လှောင်အိမ်ကို စွဲလမ်းတမ်းတတဲ့ ငှက်ပျိုမအတွေးအခေါ်ကို ပြတ်ပြတ်သားသားဆန့်ကျင်ကြ။  လှဝင်း  တော်လှန်ရေးသမားတွေမှာ သေနင်္ဂဗျူဟာနဲ့ နည်းပရိယာယ် ရှိတယ်။  ရန်သူ (စစ်ကောင်စီ)နဲ့ ပတ်သက်ရင် သေနင်္ဂဗျူဟာအရ သဘောထားနဲ့ နည်းပရိယာယ်အရသဘောထား တို့ မတူကြဘူး။  သေနင်္ဂဗျူဟာအရ ရန်သူကို အထင်မကြီးဘူး။ အမေရိကန်နယ်ချဲ့ဟာ စက္ကူကျား၊ မင်းအောင်လှိုင် စစ်ကောင်စီဟာ ဝါးဆစ်ကျားရုပ်လို့ ဒါကြောင့် ပြောတာ။ ဒါပေမဲ့ နည်းပရိယာယ်အရတော့ ရန်သူဟာ တကယ့်ကျားပဲ။ သူ့အစွယ်တွေ သူ့ခြေသည်းလက်သည်းတွေ တိုက်ခိုက်နိုင်စွမ်းရှိတာကို အသိအမှတ်ပြုတယ်။  မျက်မှောက်တော်လှန်ရေးအတွင်း ရန်သူနဲ့ပတ်သက်တဲ့ သေနင်္ဂဗျူဟာပိုင်းမှာ တချို့အင်အားစုတွေနဲ့ တချို့လူတွေဟာ ရန်သူအပေါ် အထင်ကြီးနေတုန်းပဲ။ ဒါဟာ ရန်သူနဲ့ ပတ်သက်တဲ့ သေနင်္ဂဗျူဟာ အမှားပဲ။ ရန်သူကို ဆုတ်ယုတ်ပျက်စီးမှုဘက်ကို ရှေးရှုရွေ့ရှားနေတယ်ဆိုတဲ့ သဘောထား မစိုက်ထူနိုင်သေးတာ တွေ့နေရတယ်။ ဒီတော့ စစ်အာဏာရှင်စနစ် အမြစ်ပြတ်ချေမှုန်းရေးစိတ်ဓာတ် ဘယ်မှာ ကြံ့ခိုင်တောင့်တင်းနိုင်တော့မလဲ။  ရန်သူကို ဆွေးမြေ့ပုပ်သိုးပြီး ကြွေကျတော့မယ်လို့ မမြင်တဲ့အတွက် တော်လှန်ရေးလို့ နာမည်ခံထားတာတ...

 ဘာကြောင့်ဖြစ်ဖြစ် နောက်မဆုတ်နဲ့ ရှေ့ဆ‌က် ------------------------------------------------------------ ဒီမနက် ကိုဂျင်မီနဲ့ K (ဇေယျာသော်) တို့ သတင်းကြားတော့ တွေးမိတာတွေကို ပြောချင်လာတယ်။ ရန်သူ့လက်ထဲကျသွားပြီဆိုကတည်းက အကောင်းအတိုင်း ပြန်ရဖို့မလွယ်တော့ဘူးဆိုတာ သိပြီးသားပါ။ဒါကြောင့် ဒီသေဒဏ်စီရင်ချက်အပေါ် ထွေလီကာလီ မသုံးသပ်တော့ပါဘူး။ ဒီလို တရားလက်လွတ်သတ်တာဖြတ်တာတွေနဲ့ ပတ်သက်လို့ စစ်ကောင်စီက လက်ယဉ်နေတာမျိုးဆိုတော့ အခုကိစ္စက သူတို့လုပ်ရပ်ကို ကျနော်တို့အနေနဲ့ ပိုထင်သာမြင်သာရှိသွားတယ်လို့ပဲ ယူဆပါတယ်။ လူမျိုးစုတွေကိုတောင် လူမျိုးတုန်းတဲ့အထိ သတ်ဖြတ်ခဲ့တဲ့ စစ်ကောင်စီဖြစ်သလို တနိုင်ငံလုံးက အရွယ်သုံးပါးမရွေး လက်ရဲဇက်ရဲ သတ်ဖြတ်နေတာ မနေ့တနေ့ကမှမဟုတ်တော့ဘဲ။စစ်ကိုင်းဘက်မှာဆို အမျိုးသမီးတွေကို သတ်ပြီး အလောင်းကိုပါ မုဒိန်းကျင့်ခဲ့တဲ့အဆင့်ထိ ယုတ်မာမှုက ကမ်းကုန်ခဲ့ပြီလေ။ အခုဆွေးနွေးချင်တာက ကျန်တဲ့ပြည်သူတွေကိုပဲ။ (၁) ရန်-ငါ စည်းပြတ်ကိုပြတ်ရတော့မယ် နွေဦးတော်လှန်ရေးတပ်သားတွေ သင်တန်းဆင်းပွဲမှာ ကြွေးကြော်ကြတာ "အရေးတော်ပုံ အောင်ရမည်၊အောင်ရမည်၊အောင်ကို အောင်ရမည်"ဆိုတဲ့ ကြွေးကြော်သံ။ အရေးတော်ပုံ အောင်ကို ...

  ချစ်ရပါသော ရဲဘော် သို့မဟုတ် ထွန်းလင်းနေမယ့် ကြယ်နီတပွင့် ◾ဝေယံ အဲဒီ့နေ့က ဒီဇင်ဘာ (၁ဝ) ရက် လူ့အခွင့်အရေးနေ့။ တော်လှန်ရေး‌အင်အားစုတချို့ရဲ့ တပ်လှန့်သံနဲ့အတူ ပြည်သူလူထုတရပ်လုံး Silent Strike ကို ဆင်နွှဲနေပြီး ရန်ကုန်မြို့ကြီး တခုလုံး တိတ်ဆိတ်ငြိမ်သက်နေတဲ့နေ့။ ကျနော်နဲ့ တက္ကစီသမားဦးလေးကြီးတို့ မြို့အခြေအနေကို စပ်စုရင်း၊ မှတ်တမ်းယူရင်း ကားပတ်မောင်းခဲ့တဲ့ နေ့ပေါ့။ အဲဒီအချိန်မှာ အွန်လိုင်းပေါ်ကနေ စာတစောင်၀င် လာခဲ့တယ်။ "ညီလေး ဘာလုပ်နေလဲ၊ အကို ပျင်းတယ်ကွာ။" ကိုညီမင်းသူဆီက စာဖြစ်ပါတယ်။ အဲဒီစာကို ရတာနဲ့တပြိုင်နက် ကျွန်တော်နဲ့ ကားသမားဦးလေးကြီးလည်း ကိုညီမင်းသူရှိရာ နေရာကို ဦးတည်မောင်းနှင်ခဲ့ပါတော့တယ်။ ကိုညီမင်းသူနေတဲ့နေရာကို ရောက်တာနဲ့ သူ့ကို ကားပေါ်တင်ပြီး ကျွန်တော်နေတဲ့ နေရာကို တခါတည်း ခေါ်လာလိုက်တယ်။ ဒီလိုနဲ့ ကျွန်တော်တို့ ဗကသရဲဘော်တွေ ခေတ္တပုန်းခိုနေထိုင်တဲ့ မရမ်းကုန်းမြို့နယ်ထဲက ဆင်ခြေဖုံးရပ်ကွက်လေးကို ကိုညီမင်းသူ စတင်ရောက်ရှိခဲ့တာပေါ့။ နောက်ပိုင်း အဲဒီရပ်ကွက်လေးမှာ မမျှော်လင့်ထားခဲ့တဲ့ အပြောင်းအလဲတွေ ဆိုက်ရောက်လာမှာကိုတော့ ဘယ်သူမှ မရိပ်မိခဲ့ကြဘူး။  ကိုညီမင်းသူဟာ အဲဒီအချိန်မှာ အခြေ...

 ခင်ဗျား နံဘေးနားမှာ၊ ဟာသဉာဏ်ရွှင်တဲ့လူတစ်ယောက်လောက် ရှိနေရင် သိပ်ကောင်းမယ်။ ဒါဟာ ဒီနေ့ ဒီခေတ် အခြေအနေမှာ ကံကောင်းတယ်လို့တောင် ပြောနိုင်တဲ့ အရာ။ ဟာ…. ဘာလို့လဲ၊ ဘာ့ကြောင့်လဲလို့ ခင်ဗျား မေးချင် မေးလိမ့်မယ်။ ဟုတ်တယ်။ မေးရပါလိမ့်မယ်။  အခြေအနေအရပ်ရပ်က အကျပ်အတည်းနဲ့ ကြုံတွေ့နေတယ်။ ခင်ဗျား နေ့စဉ် ကြားနေ၊ တွေ့နေ၊ မြင်နေရတဲ့ အရာ အားလုံးဟာ ခင်ဗျားစိတ်ကို အနည်းငယ် ကြည်မွှေ့စေတာ ဘယ်နှခု ရှိလို့လဲ။ အထူးသဖြင့် ခင်ဗျားရဲ့ စိတ် အာရုံကို ကြည်လင်အောင်၊ လန်းဆန်းအောင်ဆိုတာထက် ခင်ဗျား စိတ်အာရုံကို ညစ်ညူးစေတာ ဘယ်အရာက ပိုများသလဲ။ ဒါကို ရိုးရိုးလေး တွေးရင်တောင် သိပါတယ်။ ရိုးရိုးကလေး ဆင်ခြင်ကြည့်ပါ။  လူဟာ အမြဲတမ်း သွားနေလို့ မရဘူး။ တခါတရံ နားရတယ်။ တခါတရံ ရပ်ရတယ်။ ခရီးရှည်ကြီးမှာ ခရီးတစ်ထောက်လောက်တော့ နားရတယ် မဟုတ်လား။ ခရီးဟာ ရှည်ရင် ရှည်သလို အနားယူရတယ်။ အားယူရတယ်။ အညာရဲ့ နွေပူမှာ ခရီးကြမ်းတစ်ခု ခင်ဗျား နှင်ခဲ့ဖူးသလား။ ဘာသောက်လုပ်မှ မလုပ်ဖူးဘဲနဲ့ ခရီးကြမ်းကို မရပ်မနား အပြေးနှင်ဖို့ လောဆော်လီဆယ်နေတဲ့ကောင်တွေတော့ ရှိလိမ့်မယ်။ ဒီနေ့ခေတ်မှာ ပိုရှိတာပေါ့။ ဘာအလုပ်မှ မယ်မယ်ရာရာ ဖြစ်ဖြစ်မြောက်မြောက် ပေါက...

 "စဝ်ဇန့်ယောင်ဟွေ(သို့) ပညာရှင်တော်လှန်ရေးသမား" (သမိုင်းထဲကဒီနေ့) သျှမ်းနိုင်ငံရေးနှင့် တော်လှန်ရေးသမိုင်းကို လေ့လာကြမည်ဆိုလျှင် မည်သို့မျှ ချန်ရစ်ထား၍မရမည့် တော်လှန်ရေးခေါင်းဆောင်၊နိုင်ငံရေးပညာရှင်တစ်ဦးဖြစ်တလဲ စဝ်ဇန်ယောင်ဟွေ (ခ) Eugene Theik ကွယ်လွန်ခဲ့သည်မှာ ယနေ့ ဇူလိုင်လ ၂၄ ရက်နေ့တွင် ၁၈ နှစ်ပြည်ခဲ့ပြီဖြစ်ပါသည်။ ပုဂ္ဂိုလ်ရေးဘဝ စဝ်ဇန့်ကို မြန်မာပြည်၏ပထမဆုံးသမ္မတ စဝ်ရွှေသိုက် နှင့် သျှမ်းပြည်တပ်မတော်ကိုထူထောင်ခဲ့သူ မဟာဒေဝီ စဝ်နန်းဟိန်ခမ်းတို့မှ 1939 တွင် ညောင်ရွှေဟော်နန်း၌မွေးဖွားခဲ့သည်။မွေးချင်း ၆ဦးရှိပြီး အကိုအကြီးဆုံးဖြစ်သော စဝ်ဆေခန်ဖ နှင့် ညီဖြစ်သူစဝ်ဆေဟန်ခ (ခ) စဝ်ဟန်ယောင်ဟွေတို့မှာ သျှမ်းနိုင်ငံရေးနယ်ပယ်၌ ကျော်ကြားသူများဖြစ်ကြသည်။အခြားညီတစ်ဦးဖြစ်သူ စဝ်မီမီသိုက်မှာမူ 1962 အာဏာသိမ်းဖြစ်စဥ်တွင် နေဝင်းစစ်အစိုးရ၏လက်ချက်ဖြင့်သေဆုံးခဲ့ရသည်။ အမည်အရင်းမှာ စဝ်ဆေလိန်ဖဖြစ်ပြီး ငယ်မည် စဝ်ဇန့်ကိုအစွဲပြုကာ စဝ်ဇန်ယောင်ဟွေအဖြစ်ကျော်ကြားခဲ့သည်။ဇနီးမှာကျိုင်းတုံမြို့မှနန်းနုနုမြင့်ဖြစ်သည်။ တက္ကသိုလ်ကျောင်းသားဘဝနှင့်နိုင်ငံရေး စဝ်ဇန့် ရန်ကုန်တက္ကသိုလ်သို့စရောက်သည့် 1958-59နှစ်များသည် သျ...

  ယူနီဗာစီတီဘွဲ့လေးချိုးကြီး ____ ဘွိုင်းကောက်အဖြစ်မှာ မေတ္တာအထည်မသေးသော်လည်း မှိုင်းတယောက် မစ္စတာ ချစ်စရာမမယ်သေးနိုင်ဘု သစ္စာတကယ်သွေးတွေဟဲ့လို့ တွေးသနဲ့ နောင်ဘို့အလို (အိုကွယ်) ခေတ္တရာနယ်တကျေးဆီက မေးရက်မောင်တို့ကို။ (အော်) ဝေးခရီးပေမဲ့ အရေးကြီးလျှင်ဖြင့် သွေးနီးရာ ပါစမြဲပေမို့ ဆရာလဲကွာ ပထမအရင် ကနဦးဆီက  မြန်မာ့တခွင်မှာ သမတရှင်ဘုရင် မလူးခင်ပ ထ ဆင်ထူးကို တမြည်မြည် သင်ခဲ့သမို့ ထီမထင် ကျောင်းတော်သားတွေသို့ အမည်အစဉ်မှာ ဂေါင်းအပေါ်အဖျားတွင်မှ မင်းရို့ ဆရာကို စာရင်းတို့ကာ ထားလိုက်ကြပေတော့ (သြ) ဘုရား သိကြားတွေ မ လို့မို့ အများဝေနေယျာတို့ဘို့ အရှည် သမယ ပဝေ သရေခေတ်ဆီက ငွေဖြစ်သူဆရာအောင်ရဲ့ပြင် မြန်မာဘောင် ပေါက္ကံတိုင်းတွင်မှ သမိုင်းတစောင်သစ်ခဲ့တဲ့ အဇ္ဇဂေါနာ ဆရာရှင်မထီးတို့လိုပ ဖြစ်ကြသောအခါ တာအဝင်မှာ ပြီးစေဘို့ ခရီးသည် ရောက်ရာကြိုးခဲ့တယ် အမျိုးအတွက် သဒ္ဒါတရကိုယ်ပါနော်ကွယ် မြိုးမြိုးမြက်မြက် အကျိုးနက်စေဘို့ ထိုးရက်ပါကို။ အနှစ်တထောင်ရှေစွာ နေစရာတမျိုးရဲ့ပြင် မဖြစ်ဖြစ်အောင် သေသေချာချာ ထိုးရပါတော့ ပြေမြန်မာ တရိုးတွင်ဖြင့် ရွှေငွေအသပြာမိုးတွေနဲ့ သွန်းဖြိုးဗြဟ္မစိုရ် အစွမ်းတန်ခိုး ထိုထိုရယ်နှင့...

အာဇာနည်နေ့အကြောင်း ========================== မြန်မာနိုင်ငံတွင် ဇူလိုင်လ ၁၉ ရက်နေ့သည် အာဇာနည်နေ့ဖြစ်သည်။ ၁၉၄၇ ဇူလိုင်လ ၁၉ ရက်နေ့သည် မြန်မာ့လွတ်လပ်ရေးအတွက် ကြိုးစားထမ်းဆောင်ခဲ့သော ဗိုလ်ချုပ်အောင်ဆန်းအပါအဝင် အာဇာနည်ခေါင်းဆောင် (၉) ဦး လုပ်ကြံခံခဲ့ရသော ဝမ်းနည်းဖွယ်နေ့တစ်နေ့ဖြစ်သည်။ ထိုနေ့ကို အာဇာနည်နေ့ဟု သတ်မှတ်ကာ အစိုးရရုံးပိတ်ရက်အဖြစ် သက်မှတ်ပြီး နိုင်ငံတော်အလံကို တိုင်တဝက်လွှင့်ထူခြင်း၊ သံရှည်ဥဩဆွဲခြင်းတို့ဖြင့် ဝမ်းနည်းခြင်း အထိမ်းအမှတ်ကိုပြကြသည်။ အာဇာနည်နေ့သမိုင်းအကျဉ်း ၁၉၄၇၊ မြန်မာစံတော်ချိန် ၁၀နာရီ ၃၇ မိနစ်တွင် ရန်ကုန်မြို့လည်ရှိ အတွင်းဝန်များရုံး၊ ဝန်ကြီးများရုံး၌ အစည်းအဝေးပြုလုပ်နေချိန်ဖြစ်သည်။ ထိုအချိန်တွင် အင်္ဂလိပ်မြို့စောင့်တပ် အမှတ် (၁၂) ၏ စစ်ယူနီဖောင်းအပြည့်အစုံကိုဝတ်ဆင်ကာ စစ်သေနတ်ဖြင့် အစည်းအဝေးပြုလုပ်နေသော ခန်းမထဲသို့ဝင်ရောက် ပစ်ခတ်ခဲ့ကြသည်။ အဆိုပါပစ်ခတ်မှုအား နိုင်ငံတော်လုပ်ကြံမှုအဖြစ် သတ်မှတ်ခဲ့ကာ အတိုက်အခံ နိုင်ငံရေးအင်အားစုတစ်ခုက ကြိုတင်လုပ်ဆောင်ခြင်းဖြစ်ကာ အဓိက ကြိုးကိုင်သူအဖြစ် ဂဠုန်ဦးစောကို စွပ်စွဲခဲ့သည်။ ထို့နောက် ဦးစောနှင့် အပေါင်းအပါတစ်သိုက်အား တရားသူ...

 စစ်တပ်နဲ့ ကြံ့ဖွံ့ရဲ့ အနာဂတ် _____   ◾️ရှိန်ဇော် | ဆောင်းပါး | အိုးဝေစာစောင်   အာဆီယံအထူးသံတမန် ဗမာပြည်ရောက်လာတော့ တပ်ဗိုလ် ဗိုလ်မင်းအောင်လှိုင်နဲ့ ကြံ့ဖွံ့ ဗိုလ်သန်းဌေးတို့ သီးခြားစီ တွေ့ဆုံခဲ့ကြပါတယ်။   တပ်ဗိုလ်နဲ့ ကြံ့ဗိုလ် ဘုံတူတာတခုက သူတို့ အင်အားစုတွေကို ဗမာပြည်သူတွေက မတရားသတ်ဖြတ် ညှင်းဆဲအနိုင်ကျင့်နေပါတယ်ဆိုပြီး အထူးသံတမန်ကို ငိုချင်းချ တိုင်တောကြတာပါပဲ။ (သူတို့ကတော့ ဘာ မှလက်တုန့်ပြန်မှု မလုပ်တဲ့အပေါက်နဲ့ပါ။)   ဟုတ်တော့လည်း ဟုတ်ပါတယ်။ ရပ်ထဲရွာထဲမှာ စစ်သားလုပ်ခဲ့ဖူးတယ်ဆိုတာလောက်နဲ့ကို ပြည်သူလူထုက အော့နှလုံးနာရွံရှာကြတဲ့ အခြေ‌ဆိုက်နေပါပြီ။ လက်ဝဲနိုင်ငံရေးသမားကြီး တယောက် ပြောဖူးတဲ့ စကားတခွန်းကို သတိရမိပါတယ်။ တနေ့မှာ လူထုက စစ်အာဏာရှင်စနစ်ကို ဘယ်လောက်ထိ နာကျည်းလာမလဲဆိုရင် လူသေလို့ သတင်းစာမှာ နာရေးထည့်တဲ့အခါ စစ်ဘက်ရဲဘက် ရာထူးအဆင့်အငြိမ်းစား စသဖြင့် ထည့်ပြီး မဖော်ပြရဲတဲ့ထိကို ဖြစ်လာလိမ့်မယ်ဗျ။ အဲ့ဒါဆို အောင်ပွဲနဲ့ အနီးဆုံးနေရာရောက်ပြီလို့ မှတ်ပေတော့ဗျို့တဲ့။   အခု အဲ့ဒီလောက်ကြီး မဟုတ်ပေမယ့် ဟုတ်ခါတော့ အတော်‌နီးနေပါပြီ။ နာရေးကြော်ငြာ ထည့်ခွင့်မရတဲ့ စစ်မသာတွ...

 ဖြစ်တည်မှုပဓါနဝါဒ /အတ္တဘဝအမှန် (Existentialism) ဆောင်းပါး • ဆိုရှယ်ဒီမိုကရက်စာစဥ္   ဖြစ်တည်မှုပဓါနဝါဒသည် ပထမကမ္ဘာစစ်အကျပ်အတည်းကြောင့်လည်းကောင်း၊ ပထမကမ္ဘာစစ်နောက်ပိုင်း အပေါ်ယံကြော အကောင်းမြင်နှင့် လူလတ်တန်းစား လစ်ဘရယ်ဝါဒက အမွေဆက်ခံထားသည့် အရင်းရှင်စနစ် လူ့အဖွဲ့အစည်းဖွံ့ဖြိုးတိုးတတ်မှု ယုံကြည်ချက်များ ထိုးနှက်ခံရခြင်းကြောင့်လည်းကောင်း ပေါ်ပေါက်သည့် ဓနရှင် အဘိဓမ္မာရေးတုံ့ပြန်မှုက မွေးဖွားပေးလိုက်ခြင်းဖြစ်သည်။   ဖြစ်တည်မှုပဓါနဝါဒမှာ အမျိုးအမျိုးသောအဘိဓမ္မာရေးစနစ်များမှ မြစ်ဖျားခံခဲ့သည်။ အားလုံးသည် လူပုဂ္ဂိုလ်တစ်ဦးချင်းနှင့် စကြာဝဌာ သို့မဟုတ် ထာဝရဘုရားတို့အကြား ဆက်သွယ်မှုအပေါ် ဗဟိုပြုခဲ့ကြသည်။ မတူကွဲပြားကာ ပဋိပက္ခဖြစ်နေသည့် အတွေးအခေါ်များအပေါ် အခြေခံထားသည်။ အရေးပါသည့် ဖြစ်တည်မှုပဓါနဝါဒီများမှာ ဆိုရင်ကဲကီးဂတ်၊ ကားလ်ဂျက်စပါ၊ မာတင်ဟေဒဂ္ဂါ၊ ဂေဘရီယ်မာဆဲလ်နှင့် ယွန်းပေါလ်ဆတ် တို့ဖြစ်ကြသည်။ အားလုံးက လူကို တက္ကဗေဒအစဉ်အလာနှင့် ချဉ်းကပ်ခြင်းနှင့် စကြာဝဌာအတွင်းလူ၏ နေရာကို တက္ကဗေဒအစဉ်အလာနှင့် ချဉ်းကပ်ခြင်းတို့ကို ဆန့်ကျင်ကြသည်။ ဖြစ်တည်မှုပဓါနဝါဒ အဘိဓမ္မာဆရာများအကြား သိသာသည့် က...